O PP da Pobra reclama a adhesión ó convenio de Sogama para a mellora da recollida selectiva

POBRA> O Partido Popular da Pobra reclama ó concello a adhesión ó convenio con SOGAMA para mellorar a recollida selectiva. Ademais das numerosas vantaxes medioambientais, esta medida suporía unha rebaixa do dez por cento no servizo.

O PP da Pobra presentou unha moción solicitando a adhesión do concello ó convenio con SOGAMA para mellorar a recollida selectiva no municipio. Ademais do aforro dun dez por cento no servizo, este acordo implicaría unha notable mellora na calidade de vida dos veciños co financiamento de actividades promoción da  educación ambiental e desenvolvemento sostible.

Os populares urxen ó executivo que axilicen os trámites para materializar a adhesión que debe estar formalizada antes de finais de mes. De levalo a pleno, o goberno contará cos votos favorables dos edís do PP.

DEIXAR UNHA RESPOSTA

Por favor, engade un comentario!
Por favor, engade o teu nome aquí