O avogado da familia Quer pide prisión permanente revisable para o ‘Chicle’,

BARBANZA> O avogado da familia Quer solicita para José Enrique Abuín, ‘o Chicle’, prisión permanente revisable. Algo que o propio pai de Diana, Juan Carlos Quer manifestou en máis dunha ocasión, pero que agora xa foi confirmado, unha vez presentado o escrito de calificación ante o Xulgado de Primeira Instancia e Instrución número 1 de Ribeira. Esa será pois a pena que a familia da moza madrileña solicitará para o principal acusado, ó entender que, ademais de secuestrala e asasinala, tamén a violou.

O letrado Ricardo Pérez Lama tamén reclama indemnizacións para a familia da vítima por valor duns trescentos mil euros e ordes de afastamento e  de comunicación por un período de dez anos superior ó da pena imposta. Este trámite realizado no Xulgado é o paso previo á apertura de xuízo oral. Un proceso que vén de confirmarse se celebrará na sección sexta da Audiencia Provincial da Coruña, con sede en Santiago.

DEIXAR UNHA RESPOSTA

Por favor, engade un comentario!
Por favor, engade o teu nome aquí