Cambados acolle un almorzo de emprendedoras polo 8M

CAMBADOS> Un dos ámbitos nos que a muller ten que loitar, día a día, por esnaquiza-los teitos de cristal é o sector da empresa privada. En Cambados, neste 8M unhas vinte empresarias e políticas compartiron experiencias nun almorzo. Unhas e outras puxeron en común as trabas coas que se atoparon para impulsa-los seus proxectos.

Cambados acolleu o almorzo de mulleres emprendedoras celebrado polo Centro de Información a Muller. As asistentes puxeron en común as dificultades que tiveron á hora de emprender e reivindicaron a necesidade de fomenta-lo empoderamento da muller.

As presentes valoraron positivamente o encontro e contaron algúns exemplos de dificultades que atoparon nas súas empresas.

Tamén consideran que coas actividades que se van facendo ano tras anos estanse a conseguir avances, pero que aínda queda moito traballo.

Coa información compartida nestes almorzos o Centro de información á Muller da Mancomunidade do Salnés establece as actividades dirixidas ás mulleres pero tamén as actuacións para educar nos centros escolares.

DEIXAR UNHA RESPOSTA

Por favor, engade un comentario!
Por favor, engade o teu nome aquí