PONTEVEDRA> O Concello de Poio busca fomentar o deporte entre os veciños. Por iso, esta mañá presentouse o primeiro “Circuíto de Carreiras Poio Móvese”. Unha nova proposta coa que o goberno municipal pretende impulsar a participación dos cidadáns nas distintas carreiras populares que se celebrarán en todas as parroquias. O primeiro evento dentro deste novo proxecto será o “Trail Ruta dos Muíños de Samieira” que se celebrará o próximo 30 de marzo.
Cinco carreiras en cinco parroquias, e todas elas forman parte do novo “Circuito de Carrerias Poio Móvese”. Unha iniciativa coa que o Concello poiense busca impulsar a participación dos veciños e dar a coñecer as diferentes probas. Ademais, o goberno local dará un premio ao mellor deportista do recorrido.
A primeira proba deste circuíto é o Trail Ruta dos Muiños de Samieira, que se celebrará o día 30 de marzo. Unha carreira apta para todos os públicos que ademais ofrece unhas vistas espectaculares dos lugares máis fermosos da parroquia.
A proba comezará para os adultos ás 16.00 horas e para os cativos, ás 16.15 horas. Os organizadores esperan que o número de participantes ascenda ata os 160.
Todos os que queiran inscribirse, tanto os cativos como os adultos, teñen de prazo ata o día 27 e poderán facelo na páxina www.championchipnorte.com
Comments are closed.