PORTO DO SON> O novo local, que está situado na avenida de Galicia, na zona do porto, pretende converterse nun punto de información e asesoramento para tódolos veciños do municipio.
Coa vista posta nas próximas eleccións municipais do 26 de maio, a formación liderada por Miguel Mayán vén de estrear nova sede. O local, situado na avenida de Galicia, na zona portuaria, pretende ser un punto de encontro no que os veciños poidan dar a coñecer as súas inquietudes e necesidades.
Aproveitouse ademais o acto para dar a coñecer o nome da persoa que ocupará o segundo posto da lista. Neste caso será María Vila Sobrido, licenciada en Psicoloxía, que asume o reto de liderar, xunto con Miguel Mayán, o cambio que, segundo eles, Porto do Son necesita.
