Aplausos en Rianxo para as vítimas de Sri Lanka

RIANXO> Rianxo chorou tamén a morte do seu veciño Alberto Chaves Gómez. Fíxoo cunha concentración e un minuto de silencio ás portas da casa consistorial, na que, ademais das autoridades locais, tamén tomaron parte numerosos veciños.

Emotivo foi tamén o acto celebrado este mediodía en Rianxo no que se rendeu homenaxe ó seu veciño Alberto Chaves Gómez, natural da parroquia de Leiro, e a súa parella, a cesureña María González Vicente, vítimas os dous, nos atentados islamistas de Sri Lanka. Durante o acto, o alcalde, Adolfo Muíños, informou da decisión tomada pola corporación, trala xunta urxente de portavoces desta mañá, na que se acordou decretar tres días de loito oficial no municipio. O rexedor rianxeiro mostrou tamén a súa consternación polo acontecido, mandando unha mensaxe de apoio ás familias dos dous  falecidos.

No acto participaron tamén numerosos veciños que coa súa presenza quixeron mostrar a súa solidariedade coas vítimas e coas súas familias, en especial a de Alberto Chaves.

A concentración, na que se gardou tamén un minuto de silencio, rematou cun sonoro aplauso en sinal de sentida lembranza dos dous mozos falecidos.

DEIXAR UNHA RESPOSTA

Por favor, engade un comentario!
Por favor, engade o teu nome aquí