Igualdade Cambados para loitar contra a violencia de xénero

CAMBADOS> Cambados loita pola igualdade. O Concello presentou o programa de actividades contra a violencia de xénero para maio e xuño. Os talleres son gratuítos e para todos os públicos.

A Concellería de Igualdade de Cambados presentou o programa Igualdade Cambados. O obxectivo é realizar diferentes actividades enfocadas á loita pola igualdade, a diversidade e contra a violencia de xénero.

As actividades están dirixidas a todas as idades, dende os colexios ata as asociacións pasando polos institutos. A primeira delas é unha das máis destacadas: unha mesa xuvenil contra a violencia de xénero con adolescentes, policía, orientadores e persoal especializado no problema.

A loita pola diversidade tamén é un dos obxectivos máis importantes deste programa.

A inscrición e gratuíta e pode facerse a través do correo igualdade@cambados.es ou no teléfono 682660580.