12 establecementos participarán no X Destapa Vilagarcía

VILAGARCÍA> Ahituvi presenta a X Ruta Concurso Destapa Vilagarcía. Esta edición celebrarase do 7 ao 16 de xuño coa presenza de 12 establecementos. Os hostaleiros esperan que se vendan máis de 800 tapas.

Do 7 ao 16 de xuño terá lugar en Vilagarcía a X Ruta Concurso de Tapas por Vilagarcía, Destapa Vilagarcía, organizada pola Ahituvi. Nesta edición participarán 12 establecementos e a oferta de tapas é moi variada.

Os clientes só necesitan o selo de 4 locais para optar aos diferentes premios. Os prezos tampouco cambian con respecto a pasada edición e varían entre os 2,5 e os 4 euros. O custo descende os dous días do tapeador.

O concello tamén colabora neste concurso, segundo aseguran, para fomentar ao sector que máis riqueza xera.

O evento completarase cun taller de cociña e co tradicional concurso de tiraxe de cañas. A asociación de hostaleiros espera vender máis de 800 tapas.

DEIXAR UNHA RESPOSTA

Por favor, engade un comentario!
Por favor, engade o teu nome aquí