Boiro será sede dun dos ‘DeporCampus’ 

BOIRO> A actividade está organizada polo Real Club Deportivo da Coruña, en colaboración coa Escola de Fútbol Municipal Concello de Boiro. Será do 24 ó 28 deste mes de xuño, dirixido a nenos e nenas de idades comprendidas entre os seis e os catorce anos.

Esta mañá presentábase o DeporCampus de Boiro 2019. Desenvolverase do 24 ó 28 deste mes de xuño no campo municipal de Valiño, en Cabo de Cruz. Durante cinco días, rapaces de idades comprendidas entre os seis e os catorce anos poderán disfrutar, e formarse ao mesmo tempo, no deporte rei, baixo a  supervisión de técnicos do Deportivo da Coruña.

Dende o Concello destacouse a importancia desta iniciativa que por segundo ano acolle a localidade, froito do convenio asinado pola Escola de Fútbol Municipal e o Deportivo da Coruña.

O prezo do Campus varía entre os 100 e os 120 euros, incluindo unha equipación, segudo de accidentes, almorzó e tamén entradas para ver un partido de Depor. Para máis información e inscrición na web: deporcampus.rcdeportivo.es.

DEIXAR UNHA RESPOSTA

Por favor, engade un comentario!
Por favor, engade o teu nome aquí