Rosa Quintana: ‘O proxecto de dragaxe do Lérez cumpre escrupulosamente a normativa ambiental’

BARBANZA> A conselleira do Mar, Rosa Quintana, insiste en negar que actualmente se estean realizando vertidos de lodos procedentes do Lérez en Sálvora, e que se diga que os áridos desa zona están contaminados, cando non é certo. Quintana responde así ó que considera unha campaña de difamación por parte de determinados grupos que busca degradar a imaxe de calidade dos nosos produtos pesqueiros e marisqueiros.

Así de tallante se mostraba a titular de Mar, Rosa Quintana, despois dun encontro con xornalistas en ambas marxes da ría de Arousa. Con el pretendía responder ás dúbidas existentes respecto ó proxecto de dragaxe do río Lérez e a posibilidade de que os áridos que se retiren desa zona sexan depositados nuns dos seis puntos de vertido autorizados existentes na nosa costa, concretamente o que se sitúa entre as illas de Sálvora e Ons. Segundo ela o proxecto, que cumpre escrupulosamente a normativa ambiental, atópase aínda nunha fase moi inicial, e nin sequera se iniciou.

Rosa Quintana apunta tamén a que aqueles que pretenden a clausura dese punto de vertido, non buscan máis que o esmorecemento do sector pesqueiro e marisqueiro.

O proxecto de dragado do Lérez está pendente do informe de impacto ambiental e da súa exposición pública, onde se recollerán as posibles alegacións. Unha tramitación que no mellor dos casos non estaría rematada antes de dous anos.

DEIXAR UNHA RESPOSTA

Por favor, engade un comentario!
Por favor, engade o teu nome aquí