Arranca o verán nas Rías Baixas con boas expectativas no sector turístico

SANXENXO> Esta tarde comezou o verán. Fíxoo con sol aínda que por poucas horas: esta fin de semana dan chuvias. Con todo, A AEMET augura que temos por diante un verán máis cálido do habitual e con precipitacións normais para esta época do ano. Na nosa contorna, os concellos prepáranse para o desembarco de turistas. En Sanxenxo, os areais xa están a pleno rendemento. Na localidade terá lugar o vindeiro luns a entrega de bandeiras azuis, acto ó que asistirá o presidente da Xunta.

Cinco minutos antes das 6 da tarde entrou o verán. Despois dunha primavera moi cálida, os expertos din que a tempada estival será tamén máis calorosa do habitual. En canto as chuvias, a AEMET agarda unha cantidade de precipitacións normal para a época do ano.

Hoxe, en Sanxenxo, os primeiros turistas da tempada tomaban xa o sol en Silgar. Eles son os primeiros en chegar a un dos puntos neurálxicos do verán galego. A localidade di estar preparada para o desembarco masivo de turistas, co dispositivo de seguridade a punto, as rúas limpas e, sobre todo, os areais preparados.

Un das polémicas que se repite cada verán en Sanxenxo é o dos horarios dos establecementos hosteleiros. Dende o Concello cren que é posible compatibiliza-la xoldra duns co descanso doutros, pero advirten: van facer cumprir de xeito escrupuloso a normativa vixente.

Un ano máis Sanxenxo é a localidade de España que máis bandeiras azuis. Terá un total de 14. O vindeiro luns terá lugar o acto oficial de entrega desas insignias, da man do presidente da Xunta. Nel van participar os rexederes de todas as localidades galegas que se fixeron con algún deses distintivos.

DEIXAR UNHA RESPOSTA

Por favor, engade un comentario!
Por favor, engade o teu nome aquí