MEIS> O CETAL organizou en Meis a segunda das súas xornadas agroalimentarias. Esta edición estivo enfocada ás novas tecnoloxías en viticultura. Os dous relatores falaron da utilización de drons e robots nos viñedos.
O Cetal, en colaboración con ABANCA, comezou a organizar o pasado mes de Abril un ciclo de Xornadas Agroalimentarias. A fundación celebrou en Meis a segunda das edicións, contando coa colaboración das bodegas Martín Códax , enfocada as novas tecnoloxías en viticultura.
O obxectivo das xornadas é achegar aos usuarios un coñecemento a pé de campo destas tecnoloxías para comprobar se poden satisfacer as súas necesidades. A cita estivo dividida en dúas charlas e as súas demostracións. A primeira delas tratou sobre os drones e a teledetección na viticultura.
O outro dos relatorios deu a coñecer o proxecto VineScout que está basado en mapas de alta resolución para os viñedos con robots.
A intención do CETAL é que nestas xornadas os viticultores teñan acceso ás novas tecnoloxías ou a proxectos en probas para coñecer tanto os potencias como os puntos a mellorar destas novas técnicas.
