Montalvo e Silgar serán vixiadas por drones este verán

SANXENXO> O Concello de Sanxenxo utilizará drones para vixiar as praias de Silgar e Montalvo. Esta tecnoloxía permite achegar con maior rapidez un flotador a alguén que se está afogando ou dar avisos de alarma en calquera lugar da praia. Dous dos pilotos contratados formáronse no plan integrado de emprego da mancomunidade.

O concello con máis bandeiras azuis de España non o é por casualidade. Sanxenxo volve a demostrar a súa aposta polo coidado máximo das praias e este verán porá en marcha un sistema de vixilancia mediante drones. A tecnoloxía estará dispoñible nas praias de Silgar e Montalvo e permitirá chegar con maior rapidez a calquera situación de alarma.

O novo sistema de vixilancia funcionará entre as 11 e as 19 horas. Serán catros as persoas contratadas manexar os drones. Dos catros pilotos, dous formáronse no plan integrado de emprego da mancomunidade do Salnés. O ente comarcal leva anos organizando cursos de vixilancia de drones e de novas tecnoloxías.

O presidente en funcións da mancomunidade asegura que están a traballar para que a comarca siga aumentando os seus coñecementos nas novas tecnoloxías. Tamén anunciou que teñen en marcha unha nova aplicación que presentarán nos próximos días.

DEIXAR UNHA RESPOSTA

Por favor, engade un comentario!
Por favor, engade o teu nome aquí