CAMBADOS> Reforzo da seguridade na Festa do Albariño de Cambados. En total, 500 efectivos velarán porque o evento transcorra con normalidade. Tamén haberá cmabios no dispositivo de acceso ós concertos de Fefiñáns, reducindo a entrada ó recinto a unha única porta.
A deste ano é a primeira edición da Festa do Albariño de Cambados tras ser declarada como de interese turístico internacional. Para garantir que a celebración transcorra con total normalidade, vaise incrementa-la seguridade do evento. En total, 500 axentes traballarán para velar pola seguridade de todos os que se acheguen á festa.
Haberá novidades tamén no dispositivo dos concertos de Fefiñans. Os accesos á praza van mudar, para incrementa-la seguridade durante as actuacións.
Esta mañá, tivo lugar a Xunta de Seguridade, na que os diferentes corpos puxeron en común o dispositivo da Festa. A subdelegada do Goberno en Pontevedra reiterou o compromiso das forzas de seguridade do Estado coa seguridade de grandes eventos como o Albariño.
Un posto de mando avanzado será o encargado de coordinar todos os corpos e efectivos. Estará instalado no cruce das avenidas de Madrid e Vilariño.