CAMBADOS> Coa muiñeira da Armenteira e o seu inseparable acordeón, Salvador Cores, de Manso e Amigos, rematou o pregón inaugural da Festa do Albariño de Cambados.
Estreando este selo, Cambados mergullouse xa no mediodía en albariño. A vila comeza así cinco días de festa para presumir de produto, de sector, de veciños, e de talento.
A estas alturas, ninguén dubida xa do carácter internacional do albariño. Tampouco do seu vencello coa terra de Rías Baixas, especialmente coa do Salnés. E é que beber unha copa deste viño é beber a comarca e, sobre todo, Cambados.
Se a Festa do Albariño cumpre 67 anos de historia, tamén hai 67 anos que Salvador Cores, nado en Vilaxoán, comezaba a súa relación coa vila cambadesa. Hoxe animou a todos a participar e a desfrutar do Albariño de Cambados.
