VILAGARCIA> A mocidade de Vilagarcía implícase coa vila e presentan a segunda edición de Arousa Inspira. Durante os día 9 e 10 levaranse a cabo diferentes actividades organizadas pola organización xuvenil Arousa Moza. Os xogos terán lugar nos parques da localidade e os concertos no Liceo Casino, todo será gratuíto.
A organización xuvenil Arousa Moza volve a mostrar a súa implicación con Vilagarcía e celebrará a segunda edición de Arousa Inspira. Un ciclo de actividades encamiñadas a promover a tradición da comarca e a poñer en valor o talento local.
O ciclo realizarase os días 9 e 10 de agosto. O venres estará enfocado á tradición e ao folclore. Comezará as 10:30 horas cunha xincana infantil nos parques da vila para que os nenos coñezan os xogos tradicionais dos seus avós. A partir das 20:00 horas á tradición sumaráselle o folclore.
O sábado terán lugar os concertos con especial protagonismo para o talento local.
A diferenza da edición anterior os concertos terán lugar no Liceo Casino. As actividades son todas gratuítas e en caso de choiva a xincana terá lugar nas zonas cubertas dos parques da Coca e Miguel Hernández.
