Ovidio Rodeiro visita unha das empresas beneficiarias das axudas da consellería do mar

PORTO DO SON> Nove empresas vinculadas á transformación de produtos do mar no Barbanza beneficiáronse da nova liña de axudas da consellería do Mar. En total máis de 645 mil euros en achegas para mellorar a súa competitividade.

O delegado territorial da Xunta na Coruña, Ovidio Rodeiro, visitaba esta mañá unha das empresas beneficiarias desta liña de axudas que promove a consellería do Mar. Trátase da firma sonense Fiss SA, que contou cunha subvención de máis de 30 mil euros para levar a cabo a optimización do proceso de envasado.

O delegado territorial da Xunta destacou que na comarca do Barbanza  foron un total de nove empresas as que cumpriron os requisitos e recibiron estas achegas que ascenderon a máis de 645 mil euros. Tres en Ribeira, dúas en Boiro e unha en Muros, Outes, Porto do Son e Rianxo.

Dende 2016 estas axudas beneficiaron a preto de 130 pemes de transformación de produtos do mar por valor de máis de máis de 30,7 millóns de euros.