CAMBADOS> Cambados pon sobre a mesa 120.000 euros para axudar ás entidades benéficas, culturais e deportivas da vila. Os colectivos xa poden solicitar estas axudas. Ademais, o goberno local tamén aprobou unha partida de 18.000 euros para becas de estudo. Poderanse beneficiar delas alumnos de tódalas idades, incluídos os universitarios.
O Concello de Cambados vai destinar este ano 120.000 euros en axudas a entidades benéfico-asistenciais, culturais, deportivas, de ocio e tempo libre e actividades populares. As achegas serán publicadas no portal da transparencia.
O Concello vai convocar a todos estes colectivos a unha reunión a semana vindeiras para explicarlles o novo procedemento telemático para que poidan percibi-las subvencións.
Ademáis, o goberno local aprobou unha partida de 18.000 euros para as bolsas de ensino. Estas achegas van destinadas a tódolos niveis educativos, dende infantil ata a Universidade, con axudas ós desprazamentos.
Esta convocatoria sairá publicada a vindeira semana.