SALNÉS> A dirección do hospital do Salnés desminte as acusación de falla de servizos vertidas polo PSdeG . Aseguran que o hospital conta con persoal, infraestruturas e medios suficientes para cubrir as necesidades de toda a área sanitaria. Piden que non se fagan falsas acusacións para non alertar á poboación.
O hospital do Salnés conta co persoal, infraestruturas e medios suficientes para garantir a atención sanitaria a toda a súa área de acción. Así o asegurou o Xerente de Xestión Integrada de Pontevedra. José Ramón Gómez tamén desmentiu as acusacións vertidas polo socialista Julio Torrado nas que aseguraba que o hospital perdera servizos nos últimos anos. Segundo o xerente do Salnés, as melloras do hospital e o aumento nun 34% do persoal permitiu que os ingresos de pacientes aumentasen nun 25% e as intervencións nun cirúrxica nun 42% dende o 2008.
Outras das queixas de Torrados tiñan que ver coa atención de neuroloxía e cardioloxía. Dúas áreas que dende o Salnés aseguran que están ben cubertas.
Dende o hospital tamén desmenten que se peche a terceira planta do Salnés. Aclarou que o que se fai é axustar os recursos ás demandas dos pacientes.
O xerente tamén quixo aclarar o acontecido durante o verán nos centros sanitarios. Asegura que a planificación foi adecuada para cubrir as vacacións pero o problema xurdiu polas numerosas baixas de persoal.
Dende o hospital advirten que todos estes datos están recollidos e se poden contrastar. Piden que no se fagan falsas acusacións para non alertar á poboación.