RIBEIRA> A campaña da ameixa en Ribeira comezou esta semana condicionada pola escaseza de recurso. A confraría decidiu abrir tódalas autorizacións, sen reservar ningún banco para o Nadal, dada a dificultade para atopar marisco.
A maior parte dos mariscadores que iniciaron a campaña en Ribeira tiveron que investir toda a mañá para conseguir os topes. Aqueles que se moveron dun banco a outro, entre Coroso, a Insua e o Touro, fixéronse non sen esforzo cos dez quilos de ameixa babosa que establece o tope.
O esforzo pagou a pena posto que a cotización acadou record histórico superando o kilo os sesenta e nove euros.
Os altos prezos compensan a escaseza de marisco nunha campaña que se presenta incerta. De aquí ó Nadal, cando se experimenta unha maior demanda, as expectativas dos profesionais non son demasiado optimistas.