RIBADUMIA> En Ribadumia, a contorna do CRA e do Centro Social de Lois estrean nova imaxe. A zona foi obxecto dunha actuación de acondicionamento que dá resposta ás demandas dos propios veciños. No proxecto investíronse case 48.000 euros.
O acondicionamento da contorna do CRA e do Centro Social de Lois xa é unha realidade. O proxecto centrouse na zonificación dos usos e no cambio de accesibilidade ó recinto. A actuación superou os 48.000 euros.
Estas obras dan resposta ás demandas feitas polos propios veciños da zona, a través das distintas reunións por parroquias organizadas polo goberno local.
Noutro centro educativo, no Xulia Becerra Malvar tamén se levarán a cabo melloras. A Xunta comprométese a investir un millón de euros no colexio, investimento que celebran dende o Goberno local.
A esta achega da Xunta de Galicia, hai que sumar outra da Deputación, destinada á mellora da seguridade viaria na parte traseira do centro. A primeira fase xa foi executada.
Nese proxecto de mellora da mobilidade aínda están pendentes outras dúas fases, para as que aínda non se marcou data.
