NOIA> Fútbol Sala, Baloncesto e Voleibol daranse cita o sábado 28 de decembro en Noia. Será no torneo cúbico organizado polo colectivo xuvenil La Grotta en colaboración co concello.
Este evento deportivo xurde co obxectivo de fomentar o deporte no municipio, concentrando nun mesmo día e lugar as tres modalidade con máis afección en Noia.
Ademais das competicións que darán comezo ás dez da mañá no pavillón municipal Agustín Mourís haberá exhibicións de taekwondo, kickboxing e boxeo. Contarán ademais coa presenza dunha mascota encargada de interactuar co público con espectáculos de animación.
O peche da xornada terá lugar ás once da noite cando se procederá á entrega de trofeos, elaborados por usuarios da asociación A Misela.
Tamén haberá premios en metálico para os tres primeiros clubs clasidicados de trescentos, cento cincuenta e cincuenta euros respectivamente.
