POIO> Dotar a Poio dun Punto de Atención Continuada, esixir que se dote ao Concello con máis médicos e eliminar as listas de espera. Esas son algunhas das peticións que o BNG de Poio trasladou esta mañá ao Parlamento de Galicia. Melloras urxentes e necesarias para abordar os problemas que actualmente ten o municipio con respecto á sanidade pública.
O BNG de Poio reclamou esta mañá no Parlamento de Galicia unha serie de melloras para abordar os problemas que ten actualmente o Concello con respecto á sanidade pública. A principal, dotar ao municipio dun Punto de Atención Continuada ao mesmo tempo que se manteñen os consultorios médicos actuais.
Os nacionalistas reclaman tamén á Xunta un aumento no orzamento destinado á Sanidade e esixen a eliminación das listas de espera. Para conseguilo, piden que se dote ao municipio con máis médicos, pediatras e enfermeiros.
Marga Caldas asegurou tamén esta mañá que o seu partido instará a toda a corporación a asinar un documento conxunto para pedir á Xunta melloras urxentes no municipio.
O BNG asegura que fará todo o posible para que se teñan en conta os problemas relacionados coa sanidade pública de Poio e, incluso, non descartan mobilizacións.