RIANXO> A policía local de Rianxo presenta, por cuarto ano consecutivo, a súa videocampaña de tráfico para este Nadal.
A capacidade creativa de Román Castaño e Duarte Galbán volveu poñerse ó servizo da seguridade viaria. Un ano máis son os autores do vídeo de concienciación que promove a policía local de Rianxo en colaboración coa Dirección Xeral de Tráfico cada Nadal.
Todo partiu a raíz dunha foto hai catro anos. A imaxe foi evolucionando a través de pezas audiovisuais que se fixeron virais a través das redes.
Ademais da Policía e da DXT colaboran nesta campaña os bombeiros, protección civil, ambulancias, servizo de grúas e numerosos cidadáns anónimos que prestaron a súa imaxe para esta creación.
A pesar do éxito do video, dende a Policía Local seguen a insistir na necesidade de promover máis campañas de concienciación para reducir a cifra de vítimas nas estradas.
Esta campaña súmase ás oito que se desenvolven anualmente en colaboración coa DXT tanto de control como de prevención.
