RIANXO> Os afeccionados ó mundo dos videoxogos terán unha cita este sábado en Rianxo coa ‘Rianxo Gaming Experience’.
A actividade, presentada esta mañá, desenvolverase durante todo o día, de dez da mañá a dez da noite, no Campo de Arriba.
Está organizada polo Concello conta coa experiencia do Museo do Videoxogo e Lua Gaming, empresa galega especializada en organización de eventos de competicións de videoxogos.
Está aberta a todo o público que desexe asistir e nela incluiranse competicións, charlas e talleres, así como tamén outras actividades, entre as que haberá tamén dous concertos.
Dende o Concello animan á veciñanza a asistir a esta actividade, ó tratarse dunha oportunidade para pasar unha xornada diferente e poder adentrarse no apaixonante mundo dos videoxogos.
A actividade, que nace co afán de consolidarse no tempo, poderá seguirse tamén a través de streaming, na propia canle do evento rianxogaming.
