RIBEIRA> O BNG de Ribeira levará a pleno unha moción solicitando a revisión do contrato coa empresa responsable do transporte urbano. Denuncian as condicións de acoso laboral que sofren varios traballadores así como o incumprimento reiterado das sancións e condenas interpostas por vía xudicial.
O conflito laboral que se vive nunha das empresas do Grupo Ferrín, responsable do transporte urbano de Ribeira, transcenderá ó debate público a través dunha moción presentada polo BNG a iniciativa da CIG. O obxectivo desta iniciativa, que se debaterá o próximo luns, é instar ó concello a tomar medidas ante as irregularidades denunciadas polos traballadores.
En paralelo á vía xudicial, que segue o seu curso, dende a CIG propoñen a revisión do contrato coa empresa, coa que o concello ten asinado un convenio por valor de cen mil euros.
Os nacionalistas instará ó goberno a adoptar as medidas necesarias para que as empresas que xestionen un servizo público cumpran estritamente as condicións laborais establecidas nos convenios.
