PONTEVEDRA> A Subdelegación do Goberno volveu a celebrar hoxe a Comisión Provincial Técnica para a coordinación en violencia de xénero. Unha reunión que ten como obxectivo establecer unha correcta coordinación e comunicación entre os diferentes órganos da Administración Xeral do Estado. O encontro serviu para avanzar en posibles solucións ante a lacra da violencia machista.
Tras varios anos sen reunirse, a Subdelegación do Goberno volveu a acoller esta mañá a Comisión Provincial para a coordinación en violencia de xénero. Unha cita na que estiveron presentes diferentes órganos da Administración do Estado e que serviu para establecer unha maior coordinación e comunicación nesta materia.
No encontro analizáronse todas as dificultades coas que se atopan os diferentes órganos da administración na loita contra a violencia de xénero. Para a subdelegada do Goberno a principal é, sen dúbida, a emocional.
Na provincia existen actualmente 1081 casos activos de violencia de xénero. Entre eles non hai ningún de risco extremo pero destacan, en especial, os 11 de risco alto.