BOIRO> Arousa Norte estrea un portal web no que consultar a axenda cultural de toda a comarca. Recolle información sobre a oferta de ocio dos concellos, asociacións e entidades privadas.
Unha web completa, sinxela e intuitiva. Estas son algunhas das características de axendabarbanza.gal , o portal que ven de poñer en marcha a mancomunidade de municipios de Arousa Norte. Recolle a oferta de cultura e ocio de toda a comarca, non só a programada polos concellos senón tamén as propostas do asociacionismo e de empresas e entidades privadas.
Pódese buscar por concellos, datas ou mesmo por temáticas específicas permitindo así axustasr as consultas e a información a cada perfil de público.
A web, deseñada por Domingo Arias, xa está operativa e actualizará contidos periodicamente en función da oferta de lecer na comarca.
