Avícola de Galicia creará 130 postos de traballo na súa nova planta de Cambados

CAMBADOS> Avícola de Galicia expándese na comarca do Salnés. A empresa vai abrir no polígono industrial de Cambados a súa nova plataforma loxística. Na planta traballarán entorno a 130 persoas. A estimación é que se procesen uns 10.000.000 de quilos de carne ó ano.

Avícola de Galicia ultima o seu desembarco no polígono de Sete Pías, en Cambados. A empresa conta con abrir en maio a súa nova planta loxística. No centro despezarase o polo e prepararase para a súa distribución. Vaise instalar nas antigas naves da conserveira Guau. A planta vai rolda-los 10.000 metros cadrados.

O último trámito administrativo, a licenza de obra para a cadea de despece. Foi concedida na última Xunta de Goberno cambadesa. O goberno local celebra o asentamento da factoría no polígono cambadés, porque a estimación é xerar, polo menos, 130 postos de traballo.

A nova nave, por certo, non desprenderá cheiros porque as instalación non servirán de matadoiro. Esa parte do proceso seguirá desenvolvéndose nas instalacións da compañía en Campañó.