A POBRA> O concello da Pobra volve ofertar obradoiros de conciliación este Nadal. Ademais do campamento en horario de mañá habilitarase pola tarde o espazo de coidados para cubrir as necesidades de tódalas familias.
As familias da Pobra que precisen conciliar durante as vacacións de Nadal dispoñen dunha ampla oferta en horario de mañá e tarde. Pola mañá desenvolverase o obradoiro de conciliación no CEP Salustiano Rey Eiras, en horario de nove a dúas, cun prezo de 30 euros. As familias que o precisen terán a opción de ampliar con servizos de madruga e comedor.
Pola tarde, entre o 22 de decembro e o 4 de xaneiro habilitarase o espazo de coidados. Será gratuíto aínda que é preciso realizar inscrición previa a través do departamento de igualdade.
Estes obradoiros están financiados polo Ministerio de Igualdade no marco do Plan Corresponsables.