PONTEVEDRA> A antiga sede de Facenda en Pontevedra, na praza da Ferrería, podería ter pronto unha nova vida. O Ministerio de Cultura quere trasladar ata alí o Arquivo Histórico Provincial; unha opción que gusta ao concello pontevedrés, que leva tempo reclamando ao Estado que o edificio non caera no abandono.
Nova vida para o antigo edificio de Facenda en Pontevedra. O Ministerio de Cultura, actual titular do inmoble, pretende trasladar ata alí o Arquivo Histórico Provincial, que nestes momentos se atopa nun palacete no Paseo de Colón. Unha medida que se ve con bos ollos dende o concello.
Que o edificio, situado na praza da Ferrería, non caera no abandono era unha das prioridades do goberno local. Agora, o executivo tende a man ao Estado para conseguir que o proxecto sexa canto antes unha realidade. Incluso non descartan sumar a estes fondos o arquivo municipal.
A pesares da satisfacción do goberno local, o alcalde afeou ao executivo estatal ter coñecido polos medios de comunicación os plans para este edificio emblemático pontevedrés.
Sobre todo, Fernández Lores fixo fincapé o importante investimento que isto suporá para a cidade de Pontevedra.
