BOIRO> Cáritas Parroquial de Boiro disporá dun novo local no Cuartel Vello. Ademais da cesión das instalacións, o concello e a entidade emprenderán unha nova liña de colaboración coa instalación de contedores de recollida de roupa.
Con esta sinatura, o concello de Boiro e Cáritas Parroquial porán en marcha dúas novas liñas de colaboración. A máis inmediata será a colocación de contedores de recollida de roupa no municipio que xestionará a empresa Arroupa.
Boiro era o único concello do Barbanza que non dispoñía deste servizo que, ademais de dar saída ós residuos téxtiles, favorece a inserción laboral das persoas en risco de exclusión social.
O outro dos convenios terá como resultado a cesión dun novo local para Cáritas de Boiro. Nos próximos días iniciaranse os traballos de acondicionamento no antigo cuartel vello para dotar á entidade dunhas instalacións máis cómodas e funcionais.
Neste local, seguirán co seu labor non só de asistencia senón sobre todo de formación, co fin de proporcionar os medios para que as persoas poidan saír da pobreza
