Protección Civil crea un servizo de aviso de emerxencias a través de WhatsApp

VILAGARCÍA> Protección Civil de Vilagarcía crea un servizo de aviso de alertas aos cidadáns a través do Whatsapp. O obxectivo é informar de forma rápida e fácil á veciñanza das medidas a adoptar en caso dalgunha incidencia. Máis de 500 persoas xa se deron de alta neste novidoso sistema.

O servizo de Protección Civil de Vilagarcía súmase ás novas tecnoloxías para aumentar a protección dos cidadás. O corpo de emerxencias crea un servizo de aviso de alertas a través do Whatsapp.

A través de esta aplicación, protección civil informará de todo tipo de incidencias.

Grazas a este servizo, os cidadáns saberán como protexerse en cada situación.

Para darse de alta hai que mandar un whatsapp escribindo “alta emerxencias” ao teléfono 986512020. O servizo é só para recibir informació, en caso de incidencias os afectados deberán utilizar os habituais teléfonos de atención de emerxencias.

O servizo está dispoñible dende o sábado ao medio día. Polo de agora xa se anotaron máis de 500 persoas.