VILAGARCÍA> Vilagarcía toma medidas para minimizar o impacto da alerta sanitaria entre as persoas máis vulnerables. Así, Fexdega converteuse dende hoxe nun albegue con capacidade para 35 persoas sen fogar. A decisión enmárcase no plan de atención psicosocial de urxencia elaborado polo goberno local coas ONGs.
A súa apertura permitirá pechar o albergue de Cruz Vermella da praza da Constitución, e permitirá deixar de pagar hostais para acoller as persoas sen fogar que o demandan. Ademais, centralízanse os servizos e a atención, e garántese o confinamento que afecta a toda a cidadanía durante o Estado de Alarma.
Na posta en marcha do albergue en Fexdega colaboraron servizos do concello, Cruz Vermella e Cáritas; os seus voluntarios e operarios municipais serán os encargados de desenvolver o servizo.
Os usuarios contarán con aloxamento, manutención a través dun cátering e poderán acceder aos servizos de hixiene do pavillón. Tamén terán actividades de animación ao longo do día. Hoxe en Fexdega xa durmirán 20 persoas, 17 homes e tres mulleres.