RIBEIRA> Os nacionalistas presentáronlle ó executivo unha serie de medidas en apoio a aqueles colectivos máis afectados pola crise do coronavirus.
Para os nacionalistas, unha vez controlados os contaxios, sería necesario a posta en marcha dunha serie de medidas destinadas a paliar as consecuencias sociais e económicas que vai provocar a crise. Por esta razón apuntan a que a administración local, por ser a máis próxima á veciñanza, debe ser das primeiras en tomar decisións, de aí que propoñan que Concello estableza tódolos mecanismos que sexan necesarios para condonar ou compensar os impostos e taxas municipais a aqueles colectivos que se viron máis afectados pola crise.
Dende o BNG contemplan tamén un paquete de medidas destinado ó colectivo de persoas autónomas, e que o Concello inste á Xunta de Galicia a establecer liñas directas de axuda para este colectivo.
Tamén piden a redución da tramitación burocrática das axudas e se cree un servizo de asesoramento municipal no que os colectivos afectados poidan recibir información sobre as liñas de axudas ás que poden optar.
