Boiro súmase ó programa de teleasistencia da Deputación

BOIRO> O departamento de Servizos Sociais de Boiro xa iniciou trámites necesarios para solicitar o servizo de teleasistencia que xestiona a Deputación da Coruña. Trátase dun servizo que ten como principal obxectivo mellorar a calidade de vida das persoas maiores que viven soas grazas a un intercomunicador que levan consigo e que lles permite atención permanente con tan só pulsalo. Cando se declarou o Estado de Alarma, a Deputación ampliou o servizo de telasistencia que presta para poder facelo accesible a tódalas persoas maiores que o demanden mentres dure a alerta sanitaria. Durante este período, simplificáronse tamén os trámites para a súa solicitude para que se respecte o confinamento. Dende a ampliación déronse de alta máis de cen persoas en toda a provincia, catro delas en Boiro. Tódolos veciños de mais de 65 anos que viven sós poden solicitar xa este servizo ou informarse no propio departamento de Servizos Sociais do Concello.