BOIRO> Coa deste ano xa son 17 as edicións nas que os veciños de A Boliña veñen celebrando a súa tradicional Festa da Orella de Porco no Campo de Revelar.
A cita, que foi medrando co paso dos anos, atrae a numerosas persoas, que se achegan para degustar este produto típico da nosa gastronomía.
Pero non só iso. A maioría dos asistentes acoden á festa ataviados coas súas mellores galas de entroido.
O importante e pasalo ben, e se hai comida mellor…
Tampouco faltaron os doces propios destas datas como son as orellas, as filloas ou as rosquillas que elaboran os propios veciños.
E como en toda festa, non pode faltar tampouco a música.
Os encargados de poñer a nota musical este ano foron o Dúo Charada e o DJ Jalaico, que fixeron prolongar a cita ata altas horas da madrugada.
