BOIRO> A Asociación Boirense de Empresarios, a través do seu Centro Comercial Boiro Aberto, vén de poñer en marcha a campaña#sonboiro. Con ela pretenden lanzar unha mensaxe de unidade e esperanza do tecido empresarial local, nun momento como o actual, especialmente complicado para eles.
Un total de trinta negocios entre as que se atopan A Pousada das Ánimas, Natisán Regalos, Mascolor, Libraria Nobel ou Lizvaz Moda forman parte da campaña #sonboiro. Con ela a ABE pretende lanzar unha mensaxe de unidade e esperanza nun momento complicado coma o que estamos a vivir actualmente, no que a actividade empresarial a nivel hostaleiro e comercial, está paralizada. Na mensaxe os comerciantese empresarios pídenlle á veciñanza e posibles clientes que non se esquezan deles, que axiña volverán a poder abrir as portas dos seus negocios. Os dous vídeos realizados poden visualizarse dende hai varios días a través das propias redes sociais da patronal boirense, no seu canal de youtube ou tamén na súa propia páxina web.
