PONTEVEDRA> A Concellería de Promoción Económica e Turismo de Pontevedra puxo en marcha #Pontelovers. Unha campaña que ten como obxectivo reiniciar a vida social e económica da cidade cando remate esta crise do coronavirus. Unha iniciativa na que participaron xa numerosos comerciantes e empresarios.
Os #PonteLovers inician a desescalada. Reiniciamos a nosa cidade. #Volvemos”. Esta é a mensaxe da peza audiovisual elaborada pola plataforma posta en marcha pola Concellería de Promoción Económica e Turismo para apoiar ao comercio de proximidade, a hostalería local e as Pymes de Pontevedra nesta etapa de transición á normalidade.
