Jealsa entrega material de protección ó persoal sanitario da área Santiago-Barbanza

BARBANZA> O número de doazóns  a nivel empresarial e particular nestes tempos de crise continúa a un ritmo alto. Un exemplo deste compromiso social é a empresa Jealsa que hai uns días facía entrega á xerencia hospitalaria de Santiago-Barbanza dunha partida dunhas dúas mil mascarillas FFP2 para uso por parte dos profesionais dos hospitais desta área sanitaria. Esta doazón, súmase a outras entregas realizadas anteriormente pola conserveira ós centros de saúde de Boiro, A Pobra, Ribeira e Rianxo, así como á Asociación Amicos. Ademais destas aportacións específicas para o persoal sanitario, Jealsa tamén realizou outras achegas a concellos e diversas entidades da comarca que suman un total de máis de 50 mil proteccións faciais, na súa maioría elaboradas pola firma téxtil Jealfer, que pertence ao mesmo grupo empresarial.