GALICIA> A Xunta dá marcha atrás e descarta o sistima de cita previa para ir á praia. A proposta foi rexeitada por moitos alcaldes galegos, ante a imposibilidade dos Concellos de asumir esa xestión. Esta mañá, o presidente da FEGAMP e alcalde de Vilgarcía trasladoulle a opinión dos rexedores ó goberno galego. A Xunta comprometeuse a estudar outras aplicacións informáticas máis útiles para os municipios.
O sistema de cita previa para ir á praia cun código QR queda descartado. A Xunta decidiu dar marcha atrás a esta proposta, ante o rexeitamento xeralizado de boa parte dos concellos galegos.
Esta mañá, o presidente da FEGAMP e tamén alcalde de Vilagarcía trasladoulle ás Consellerías de Turismo e Medio Ambiente a opinión xeralizada dos goberno locais.
Logo da xuntanza desta mañá, a Xunta vai estudar outras ferramentas para regula-lo aforo das praias e que resulte de utilidade para os concellos.
O tamén alcalde de Vilagarcía indicou que no caso das praias deste municipio o uso dos areais regularase segundo as indicacións das autoridades sanitarias e os protocolos correspondentes. Iso si, Alberto Varela lembra que para iso antes hai que pasar de fase no proceso de desescalada.
Nesta fase 1, na que aínda está Galicia, o acceso ás praias está permitido pero só para pasear ou practicar deportes federados.
