BOIRO> O Plan de mellora e acondicionamento dos colexios virá a solucionar moitas das demandas plantexadas dende as distintas comunidades educativas.
No último ano o executivo boirense desenvolveu un amplo abano de obras de mantemento e reparación en tódolos centros educativos do municipio. Daba así resposta a varias demandas históricas presentadas polos distintos equipos directivos e ANPAS dos colexios.
A maiores o Concello pretende desenvolver outras actuacións de maior calado, algunha delas xa en fase de licitación, como é a melllora da seguridade viaria e accesibilidade no entorno dos centros públicos de ensino na Avenida de Compostela onde se prevén investir máis de 50 mil euros
Tamén se procederá á reparación e mellora de beirarrúas e pavimentos no acceso ó CEIP Escarabote, acondiconaranse as beirarrúas e pavimentos no estacionamento do CEIP Abanqueiro e levarase a cabo tamén a mellora enerxética do CEIP Santa María do Castro.
Neste último centro está previsto tamén realizar a mellora da seguridade viaria, como tamén se fará no entorno do IES de Espiñeira.