NOIA> A entrada na Fase 2 permite tamén o disfrute das praias. E con este tempo que temos aínda máis. Algúns concellos traballan de cara a establecer as súas normas de uso para garantir a seguridade dos bañistas e evitar contaxios.
As comarcas do Barbanza e Muros e Noia poden presumir de moitas cousas. E unha delas son as súas praias. A crise do coronavirus fixo que moitos concellos tiveran que deseñar unhas normas de uso destes espazos para garantir a seguridade dos bañistas e evitar contaxios, unha vez que xa se permite, coa entrada na Fase 2, e a chegada das altas temperaturas, de poder disfrutar dos areais. É o caso de Noia, onde se está a probar un sistema de parcelación na praia de Boa Pequena.
A proposta ten ademais un carácter medioambiental xa que as estacas que se instalan delimitando os espazos son realizadas de material reciclado, principalmente plásticos, recollidos nos propios areais.
Se a iniciativa resulta, non se descarta estendelo posteriormente a outras praias do municipio como poden ser Boa Grande e Testal.