Meis teme que o Sergas peche o centro médico de Paradela

MEIS> O concello de Meis denuncia a falta de información que recibe da Xunta de Galicia polo peche do centro de saúde de Paradela. O consultorio leva pechado dende o inicio do estado de alarma e dende a vila descoñecen se o Sergas o volverá a abrir. Esta situación afecta a máis de 1100 veciños.

Os veciños da parroquia de Paradela, no concello de Meis, levan dende o inicio da pandemia sen poder acudir ao seu centro médico. O Sergas pechou o consultorio debido ao que o sanitario que o atende é unha persoa de risco. Dende o concello descoñecen se o Sergas volverá a abrir o centro. Mentres tanto os veciños afectados son atendidos por teléfono ou teñen que trasladarse a Cambados.

Ante a falta de información e para respectar o protocolo de seguridade, o concello ofreceulle ao Sergas sufragar a remodelación do centro médico.

Dende o concello de Meis temen que as intencións do Sergas sexa pechar o centro médico de Paradela. Por elo o goberno local mandou un novo requirimento á consellería para que lle informen de cal é a situación actual do consultorio.

O goberno advirte ao Sergas que de non recibir respostas tomará todas as accións necesarias para defender os intereses da súa veciñanza.

DEIXAR UNHA RESPOSTA

Por favor, engade un comentario!
Por favor, engade o teu nome aquí