PONTEVEDRA> A Xunta e ENCE asinan un convenio para a contratación de 16 titulados en segundo ciclo de FP. A pasteira de Lourizán vai destinar para esta bolsa de emprego medio millón de euros. Para o vicepresidente do executivo galego, o convenio preséntase como unha medida para palia-la crise derivada da COVID-19.
A Xunta e Ence asinan un convenio polo que a pasteira de Lourizán vai contratar 16 titulados en segundo ciclo de Formación profesional. Para o vicepresidente do executivo galego o acordo pode considerarse como unha medida máis para palia-la crise que deixa o coronavirus.
O convenio foi asinado esta mañá na Delegación da Xunta en Pontevedra. Os 16 mozos que se van contratar a través del traballarán durante un ano en distintos departamentos da pasteira.
Na sinatura tamén participou a Conselleira de Medio Ambiente. Ángeles Vázquez salienta os bos resultados que, ó seu criterio, dan os convenios que a Xunta asinou con ENCE dende o 2016. Di que o seu obxectivo sempre é o mesmo, o coidado da contorna da ría de Pontevedra, aínda que indica que o coronavirus fixo mudar algunhas cousas.
Os interesados en inscribirse nesta bolsa de emprego deberán poñerse en contacto con recursos humanos de Ence.
