Sae á luz o novo número da revista Folía

BOIRO> A presentación da publicación do libro das festas faise de igual forma, a pesar de que este ano non haberá festexos a consecuencia da pandemia.

A publicación, que nos próximos días chegará a maioría dos fogares de Boiro, ten este ano unha dobre finalidade. Por unha banda recoller os anuncios de moitas empresas e comercios locais que dende hai anos viñan colaborando coa revistas das festas e ás que este ano non se lles cobrará a publicidade, en agradecemento do esforzo que fixeron durante a crise ocasionada pola Covid-19. A outra razón, homenaxear ó colectivo das costureiras que colaboraron na elaboración de máscaras de protección durante a pandemia, que foron este ano ademais nomeadas como as raíñas das festas.

A revista deste ano, que será sufragada integramente polo Concello, foi editada seguindo un esquema moi similar ás edicións anteriores.

A publicación tamén inclúe textos dos colaboradores habituais da revista, como Antón Gallardo, Xosé Manuel Triñanes, Estevo Silva ou Carmen Hermo entre outros.