BOIRO> A iniciativa, que é froito da colaboración do Concello, Deputación da Coruña e a Asociación Boirense de Empresarios, ten coma obxectivo dinamizar e apoiar o lanzamento e o crecemento de proxectos empresariais da comarca.
O programa de Formación e Aceleración Emprende Lab Barbanza que se pon en marcha en Boiro da man do Concello, a Deputación da Coruña e a Asociación Boirense de Empresarios pretende fortalecer o actual ecosistema emprendedor da comarca, favorecendo o establecemento e permanencia no Espazo Municipal de Coworking existente no polígono de Espiñeira de novas empresas baseadas no talento, na innovación e no seu rápido crecemento.
A aceleradora Lab Barbanza poderá acoller na fase inicial a un máximo de vinte proxectos de carácter intersectorial, dos cales só dez pasarán á fase de aceleración.
As inscricións para o programa son totalmente gratuítas e as bases e toda a información xa están dispoñibles na páxina web www.labbarbanza.gal.
