PONTEVEDRA> O alcalde de Pontevedra e os concelleiros de Urbanismo e Benestar Social visitaron esta mañá as instalacións do Acolá Rooms. Un albergue que acaba de abrir as súas portas na cidade e que se caracteriza pola súa imaxe de vangarda.
Acolá Rooms abre as súas portas aos turistas e peregrinos. Este albergue está completamente adaptado á nova normalidade e oferta un total de 8 habitacións privadas. Ademais, ofrece servizos para persoas ostomizadas ou con mobilidade reducida.
O albergue recibiu esta mañá a visita do alcalde de Pontevedra e dos concelleiros de Urbanismo e Benestar Social. Lores salientou a importancia de seguir aumentando a oferta hostaleira na cidade.
Este é o terceiro albergue Acolá na cidade. Os outros dous están situados na rúa Arzobispo Malvar e ofertan prazas con habitacións compartidas.
Un novo establecemento hostaleiro que abre na cidade nun momento moi complicado tras a crise sanitaria.
