PONTEVEDRA> O triatleta Javier Gómez Noya é un dos protagonistas dunha das últimas iniciativas do Concello de Pontevedra. Trátase da campaña Efecto PO2.
Neste vídeo pódese ver ao deportista galego levantándose da cama e vestíndose para adestrar. Coas deportivas postas, Javier Gómez Noya sae a correr directamente pola Praza de España.
Esta gravación pretende demostrar como as rúas e as prazas de Pontevedra son unha extensión da vivenda de todos os veciños.
Un vídeo que xa está colgado na canle de Youtube do Concello e que será difundido nas redes sociais.
