PONTEVEDRA> Reabren os parques infantís de Pontevedra. O Concello optou por tomar esta decisión un mes máis tarde que moitos outros municipios galegos. O motivo, a adaptación de todos estes espazos á nova normalidade.
Os rapaces pontevedreses poden gozar xa do seu espazo favorito porque os parques infantís da cidade reabriron esta mesma mañá. Iso si, reabren con estritas medidas de seguridade. En todos estes recintos haberá aforo limitado e dispensadores de xel hidroalcólico nos accesos.
O Concello de Pontevedra decidiu ser moi estrito coas medidas de protección nestes espazos, sobre todo con respecto ao aforo permitido.
E para facer fincapé na importancia de usar a máscara nestes espazos, quen mellor que o loro Ravachol para recordarllo á cidadanía.
Os carteis do loro Ravachol serán repartidos en todos os parques infantís da cidade. O goberno municipal inverteu preto de 50.000 euros na adaptación destes espazos á esta nova normalidade.
